ຂໍ້ແນະນຳກ່ຽວກັບເອກະສານສະໝັກ
ສຳລັບຊຸດຝຶກອົບຮົມພະນັກງານນຳທ່ຽວລະດັບຊາດ
ເພື່ອເຮັດໃຫ້ຊຸດຝຶກອົບຮົມພະນັກງານນຳທ່ຽວລະດັບຊາດ ໄດ້ຮັບການຈັດຕັ້ງຢ່າງມີປະສິດທິພາບ ແລະ ມີການເກັບກຳຂໍ້ມູນຢ່າງເປັນລະບົບ. ສະນັ້ນ, ສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ ຈຶ່ງໄດ້ສ້າງເອກະສານສະໝັກສຳລັບຊຸດຝຶກອົບຮົມພະນັກງານນຳທ່ຽວລະດັບຊາດ, ເຊິ່ງປະກອບມີລາຍລະອຽດດັ່ງນີ້:
- ໃບຄຳຮ້ອງ 01 ສະບັບ
- ໃບແຈ້ງໂທດ 01 ສະບັບ
- ສຳເນົາໃບປະກາດຈົບຊັ້ນສູງ ຫຼື ທຽບເທົ່າໃນວິຊາທີ່ກ່ຽວຂ້ອງ 01 ສະບັບ
- ສຳເນົາໃບຢັ້ງຢືນການຮຽນພາສາຕ່າງປະເທດ 01 ສະບັບ
- ໃບຢັ້ງຢືນສັນຍາແຮງງານຈາກບໍລິສັດສັງກັດ 01 ສະບັບ
- ໃບສັນຍາການຝຶກອົບຮົມ 01 ສະບັບ
- ຊີວະປະຫວັດຫຍໍ້ 01 ສະບັບ
- ສຳເນົາບັດປະຈຳຕົວ 01 ສະບັບ
- ຮູບ 3 x 4 (ສຳລັບຕິດຄັດ) 03 ໃບ
- ຮູບ 2 x5 01 ໃບ
- ໃບຄຳຮ້ອງ
- ຂໍ້ມູນທີ່ລະບຸໃສ່ໃນໃບຄຳຮ້ອງ ຈະຕ້ອງເປັນຂໍ້ມູນທີ່ຖືກຕ້ອງຕາມຄວາມເປັນຈິງ
- ການຂຽນຂໍ້ມູນໃສ່ໃນໃບຄຳຮ້ອງ ຄວນຂຽນລະອຽດ, ບໍ່ເປື້ອນ, ແລະ ສາມາດອ່ານອອກໄດ້
- ຮູບທີ່ຕິດໃສ່ໃນໃບຄຳຮ້ອງ ຕ້ອງເປັນຮູບຂະໜາດ 3×4, ພ້ອມທັງມີການຈໍ້າກາຢັ້ງຢືນຈາກບໍລິສັດທີ່ຕົນສັງກັດຢູ່ (ລາຍລະອຽດເບິ່ງຮູບທີ່ 1)
- ສຳລັບເບີໂທຕິດຕໍ່ ຈະຕ້ອງແມ່ນເບີໂທຫຼັກຂອງຜູ້ສະໝັກທີ່ໃຊ້ເປັນປະຈຳ
- ສຳລັບຄວາມສາມາດທາງດ້ານພາສາຕ່າງປະເທດ ແມ່ນຕ້ອງລະບຸພາສາທີ່ຖະໜັດທີ່ສຸດເປັນອັນດັບທີ່1, ແລະ ພາສາທີ່ຮອງລົງມາເປັນອັນດັບທີ່ 2 ຕາມລຳດັບ
- ລາຍເຊັນຜູ້ຮ້ອງຂໍແມ່ນລາຍເຊັນສະເພາະຜູ້ທີ່ຕ້ອງການສະໝັກເຂົ້າຝຶກອົບຮົມເທົ່ານັ້ນ (ລາຍລະອຽດເບິ່ງຮູບທີ່ 1)
- ໃບແຈ້ງໂທດ
- ໃບແຈ້ງໂທດຈະຕ້ອງມີອາຍຸບໍ່ເກີນ 3 ເດືອນ
- ໃນການປະກອບເອກະສານ, ຈະຕ້ອງເອົາໃບແຈ້ງໂທດສະບັບແທ້ເທົ່ານັ້ນ
- ໃບຢັ້ງຢືນສັນຍາແຮງງານ
- ຈະຕ້ອງເປັນໃບຢັ້ງຢືນສັນຍາແຮງງານທີ່ໄດ້ຮັບການຢັ້ງຢືນຈາກບໍລິສັດທີ່ຕົນສັງກັດເທົ່ານັ້ນ
- ຂໍ້ມູນທີ່ລະບຸໃສ່ໃນໃບຢັ້ງຢືນສັນຍາແຮງງານ ຈະຕ້ອງເປັນຂໍ້ມູນທີ່ຖືກຕ້ອງຕາມຄວາມເປັນຈິງໃນໃບສັນຍາແຮງງານຂອງທັງສອງຝ່າຍຄື ຝ່າຍນາຍຈ້າງ ແລະ ຝ່າຍລູກຈ້າງ.
- ໃບຢັ້ງຢືນສັນຍາແຮງງານຕ້ອງໄດ້ຮັບການເຊັນຢັ້ງຢືນຈາກພາກສ່ວນທີ່ກ່ຽວຂ້ອງ ຫຼື ບໍລິສັດທີ່ຕົນສັງກັດຢູ່ ພ້ອມທັງຈໍ້າກາປະທັບຂອງບໍລິສັດ (ລາຍລະອຽດເບິ່ງຕາມຮູບທີ່ 2)
- ລາຍເຊັນຜູ້ເຂົ້າຝຶກອົບຮົມແມ່ນລາຍເຊັນສະເພາະຜູ້ທີ່ຕ້ອງການສະໝັກເຂົ້າຝຶກອົບຮົມເທົ່ານັ້ນ (ລາຍລະອຽດເບິ່ງຕາມຮູບທີ່ 2)
- ໃບສັນຍາການຝຶກອົບຮົມ
- ໃບສັນຍາການຝຶກອົບຮົມຈະຕ້ອງໄດ້ຮັບການເຊັນຢັ້ງຢືນຈາກພາກສ່ວນທີ່ກ່ຽວຂ້ອງ ຫຼື ບໍລິສັດທີ່ຕົນສັງກັດຢູ່ (ລາຍລະອຽດເບິ່ງຕາມຮູບທີ່ 3)
- ລາຍເຊັນຜູ້ເຂົ້າຝຶກອົບຮົມແມ່ນລາຍເຊັນສະເພາະຜູ້ທີ່ຕ້ອງການສະໝັກເຂົ້າຝຶກອົບຮົມເທົ່ານັ້ນ (ລາຍລະອຽດເບິ່ງຕາມຮູບທີ່ 3)
- ກ່ອນທີ່ຈະມີການລົງລາຍເຊັນ, ຜູ້ສະໝັກ ແລະ ພາກສ່ວນທີ່ກ່ຽວຂ້ອງ (ບໍລິສັດສັງກັດ) ຈະຕ້ອງອ່ານ ແລະ ທຳຄວາມເຂົ້າໃຈກ່ຽວກັບເງື່ອນໄຂທີ່ໄດ້ລະບຸໄວ້ໃນໃບສັນຍາການຝຶກອົບຮົມຢ່າງລະອຽດ ພ້ອມທັງປະຕິບັດຕາມຂໍ້ກໍານົດກົດລະບຽບຕ່າງໆຢ່າງເຂັ້ມງວດໃນລະຫວ່າງການຝຶກອົບຮົມ.
- ຊີວະປະຫວັດຫຍໍ້
- ຂໍ້ມູນທີ່ລະບຸໃສ່ໃນຊີວະປະຫວັດຫຍໍ້ ຈະຕ້ອງເປັນຂໍ້ມູນທີ່ຖືກຕ້ອງຕາມຄວາມເປັນຈິງ
- ການຂຽນຂໍ້ມູນໃສ່ໃນຊີວະປະຫວັດຫຍໍ້ ຄວນຂຽນລະອຽດ, ບໍ່ເປື້ອນ, ແລະ ສາມາດອ່ານອອກໄດ້
- ຮູບທີ່ຕິດໃສ່ໃນຊີວະປະຫວັດຫຍໍ້ ຕ້ອງເປັນຮູບຂະໜາດ 3×4, ພ້ອມທັງມີການຈໍ້າກາຢັ້ງຢືນຈາກນາຍບ້ານຂອງບ້ານທີ່ຕົນອາໄສຢູ່ (ລາຍລະອຽດເບິ່ງຕາມຮູບທີ່ 4)
- ຊີວະປະຫວັດຫຍໍ້ຈະຕ້ອງໄດ້ຮັບການເຊັນຢັ້ງຢືນຈາກນາຍບ້ານຂອງບ້ານທີ່ຕົນອາໄສຢູ່ (ລາຍລະອຽດເບິ່ງຮູບທີ່ 4)
- ລາຍເຊັນຜູ້ກ່ຽວແມ່ນລາຍເຊັນສະເພາະຜູ້ທີ່ຕ້ອງການສະໝັກເຂົ້າຝຶກອົບຮົມເທົ່ານັ້ນ (ລາຍລະອຽດເບິ່ງຮູບທີ່ 4)
ໝາຍເຫດ:
1. ສຳລັບບຸກຄົນໃດທີ່ດາວໂຫລດແບບຟອມໃບສະໝັກ ແມ່ນຕ້ອງດາວໂຫລດ ແລະ ພິມສີ (ມີກາແດງ) ເທົ່ານັ້ນ ຈຶ່ງຈະສາມາດນຳໃຊ້ເຂົ້າໃນການປະກອບເອກະສານໄດ້.
2. ສຳລັບແບບຟອມໃດທີ່ພິມຂາວ-ດຳ ແມ່ນບໍ່ສາມາດນຳໃຊ້ເຂົ້າໃນການປະກອບເອກະສານໄດ້ ແລະ ຖືວ່າເອກະສານນັ້ນໂມຄະ
3. ແບບຟອມໃບສະໝັກຕ່າງໆທີ່ມີໃນເວັບໄຊ້ນີ້ ແມ່ນໃຊ້ສະເພາະການປະກອບເອກະສານສຳລັບການຝຶກອົບຮົມທີ່ຢູ່ພາຍໃຕ້ຄວາມຮັບຜິດຊອບຂອງສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວເທົ່ານັ້ນ.